Дэлхийд хамгийн үнэтэй зарагдсан домайн нэрс

Домайн нэр гэдэг бол өнөөдөр On-line ертөнцөд байгууллага болон хувь хүний хамгийн чухал нэрийн хуудас болжээ. Дэлхий дээр com. домайн хамгийн өргөн хэрэглэгдэж байгаа бөгөөд үүний араас .net, .org, .biz гээд цуварна.

Энгийн домайн нэр (жишээ нь example.com or example.org) google.com - c авахад нэг жилийн төлбөр 10$ байдаг бол datacom-c .mn домайн авахад 40$ орчим ханштай байна. Гэхдээ мэдээж арилжааны зориулалттай өнгөтөй өөдтэй нэрүүдийг аль хэдийн учир мэдэх хүмүүс нь аваад хав дарчихсан. Хэрэгтэй үед нь асар өндөр үнээр зарах гээд хүлээгээд байж байгаа.

Бүртгэгдсэн домайныг борлуулдаг domain aftermarket дээр 2011 оны байдлаар дэлхий дээр хамгийн үнэтэй зарагдсан 19 домайныг дурдвал: 

1.      Insure.com 2009 $16 million 

2.      Sex.com for $14 million in October 2010

3.      Fund.com 2008 £9.99 million

4.      Porn.com 2007 $9.5 million

5.      Fb.com for $8.5 million in November 2010

6.      Business.com for $7.5 million in December 1999

7.      Diamond.com 2006 $7.5 million

8.      Beer.com 2004 $7 million

9.      Israel.com 2008 $5.88 million

10.  Casino.com 2003 $5.5 million

11.  Toys.com: Toys 'R' Us by auction for $5.1 million in 2009

12.  AsSeenOnTv.com for $5.1 million in January 2000

13.  iCloud.com by Apple for $4.5 million in April 2011

14.  Altavista.com for $3.3 million in August 1998

15.  Candy.com for $3.0 million in June 2009

16.  Wine.com for $2.9 million in September 1999

17.  CreditCards.com for $2.75 million in July 2004

18.  Autos.com for $2.2 million in December 1999

19.  Casino.tt for $2.0 million in May 2011

                   Эх сурвалж: c.net

4G буюу LTE

Хамгийн энгийнээр хэлбэл LTE гэдэг бол гар утсаар интернэтэд   холбогдох өндөр хурдны технологи юм.

Харьцуулбал:

  -  3G:                14.4 Mbps

  -  Wibro (4G):  37.4 Mbps

  -   LTE:            75.0 Mbps

Энэхүү технологийг БНСУ-д 2011 онд LG болон SK Telecom үүрэн телефоны операторууд амжилттай нэвтрүүлсэн. Өнөөдөр манай улсын хувьд MobiCom, Skytel хоёр 3G  ашиглаж байгаа бөгөөд 2013 оны гэхэд 4G -д шилжих байх гэж би таамаглаж байна.

Яг одоогоор Монгол ба Солонгос улсын гар утасны интернэтийн хурдыг харьцуулж үзвэл:

БНСУ:   

• U+LTE:      75.0 Mbps

Монгол улс:

• Skytel:         21.0 Mbps  
• MobiCom:   14.4 Mbps

 /Mbps = Megabits per second./

3G Хязгааргүй Data хэрэглээний нөлөө /Солонгос/

Өнгөрсөн 7-сард SK Telecom хязгааргүй data хэрэглээний багцаа /Unlimited Data Plan/ зарласанаас хойш  бусад операторууд болох KT бa LG U+ мөн дагасан билээ. Өөрөөр хэлбэл өнөөдөр Солонгосын бүх операторууд хязгааргүй data хэрэглээний багцыг хэрэглэгчиддээ санал болгож байна. Энэхүү өөрчлөлт нь Smartphone хэрэглэгчдэд төрөл бүрийн mobile application -г ямар нэгэн нэмэлт хураамжгүйгээр хэрэглэх боломжийг олгож байгаа юм.

SK Telecom -н хувьд нийт хэрэглэгчдийн 80 орчим хувь нь (2cая гаруй хэрэглэгч) хязгааргүй data багцыг сонгоод байна. Өдөрт дунджаар 17 мянган хэрэглэгч энэхүү үйлчилгээнд шинээр нэгдэж байгаа юм байна. Түүнчлэн 900 мянган хэрэглэгч SK Telecom -н Application зах болох T Store -руу зочилж олон төрлийн mobile application татаж авчээ. Хязгааргүй data хэрэглээ нь хүмүүсийн гар утас хэрэглэх зан төлөвийг ихээхэн өөрчилсөн төдийгүй voice -н хэрэглээг давсан гэж хэлж болохоор ажээ.

Энэхүү үйлчилгээг нэвтрүүлсний дараагаар хэд хэдэн сөрөг тал ажиглагдаж буйн нэг нь Voice хэрэглээний чанар муудаж байна хэмээн судлаачид үзэж байна. Энэ талаар маш олон хэрэглэгчдээс гомдол гаргасан байна. Гэвч оператоуудын зүгээс data хэрэглээг хязгааргүй болгосоноор Voice-н чанарт нөлөөлөх үндэсгүй хэмээн няцаасаар байна. Солонгосын Харилцаа Холбоон Зохицуулах Хорооноос гаргасан мэдээгээр 3G data хэрэглээ өмнөх оныхоос 200% -р өссөн гэсэн болон KT - 344%, SK - 232%, LG U+ - 114% -ийн өсөлттэй байна.

Саяхан дэлхийн томоохон операторууд болох Verizon болон T-Mobile нар хязгааргүй data plan -аа зогсоох шийдвэр гаргасан байна. Харин Солонгосын операторуудын хувьд эдгээрээс эсрэг стратеги баримталж байгаа юм байна.

Үүрэн холбооны зах зээлийн тойм /Солонгос/

Харилцаа холбооны салбар нь сүүлийн 10 жилийн хугацаанд Солонгосын эдийн засгийн хөгжлийн гол түлхүүр болсоор иржээ. 2009 оны  байдлаар үүрэн телефон хэрэглэгчдийн тоо 46 саяд хүрсэн  нь тус улсын нийт хүн амын 95% -ийг эзэлж байна. (Манай улсын хувьд энэ тоо ойролцоогоор 1.8 сая хэрэглэгч буюу нийт хүн амын 66% гэж болохоор байх).

Өнөөдөр Солонгосын үүрэн холбооны салбарт нь хоёр томоохон асуудал тулгараад байгаа  гэнэ. Энэ нь салбарын өсөлтийн зогсонги байдал төдийгүй нэг хэрэглэгчээс сард олох дундаж орлогын хэмжээ ний (ARPU) бууралт ажээ. (Хүснэгт 2,3)

2009 оны байдлаар үүрэн холбооны салбарын өсөлтийн хувь буюу Growth rate нь: 1.4% /өмнөх жилтэй харьцуулсан дүн/  байгаагаас харвал  Солонгос улсын үүрэн холбооны  зах зээлийг бүрэн ханасан зах зээл гэж дүгнэж болохоор байна. Тус улсын үүрэн холбооны зах зээл дээр 3 үндсэн тоглогч байдаг бөгөөд эдгээрийн зах зээлд эзлэх хувь хэмжээг авч үзвэл: 

1. Market share of Korean MNO in 2009

• SK Telecom (SKT):                                 50.5%
• Korean Telecom Freetel (KTF):               31.5% 
• LG telecom (LGT):                                   18.0%

2. Харин манай улсын хувьд үүрэн холбооны компаниудын зах зээлд эзлэх хувь хэмжээ 2009 оны байдлаар дараах байдалтай байсныг мэргэн уншигч Та юу эс андах: 

• MobiCom:                         50%
• Skytel:                               22%
• Unitel:                                19%
• G-mobile:                            9%

Дашрамд сонирхуулахад Солонгосын SK Telecom манай Skytel -ийн  40% эзэмшдэг билээ. За энэ ч яахав. Солонгосын үүрэн холбооны операторуудын ARPU-г авч үзвэл дараах байдалтай байна.

3. ARPU of Korean MNO

                                                                   2008                 2009

• SK Telecom (SKT):                               $44.0                 $32.0
• Korean Telecom Freetel (KTF):             $30.8                 $29.6
• LG telecom (LGT):                                $27.5                  $26.1

(Эх үүсвэр: Hong 2009)

 ARPU -г өсгөхийн тулд эдгээр операторууд сүүлийн үед шинэ төрлийн нэмэлт үйлчилгээ, ялангуяа Convergence үйлчилгээг  хөгжүүлэхэд ихээхэн анхаарал тавьж байгаа юм байна. Тухайлбал: WiBro(Wireless broadband), DMB(Digital Media Broadcasting) болон Location based service зэргийг дурдаж болно.

Миний хувьд энд ирснээс хойш LGT -н утасыг барьж байгаад 2 сарын өмнөөс   SK Telecom -ийн үйлчлүүлэгч болсон. SK Telecom  бол ерөнхийдөө  зах зээлд эзлэх байр суурь нь манайхаар  бол Mobiсom маягийн компани юм байна аа... гэж би ойлгоод байгаа. Үнийн хувьд бага зэрэг өндөр хэдий ч үйлчилгээний чанар, нэр төрлөөрөө  бусдаасаа үнэхээр илүү санагдсан. Нэг зүйл нэмж хэлэхэд энд  iPhone үнэхээр газар авч байна шүү. Метронд явж байгаа хүмүүсийг ажиглавал бараг 3 хүний 2 нь iPhone 4 барьж яваа харагдахийм...

Гоо сайхны мэс засал /Солонгос/

Гоо сайхны мэс засал нь 1990-аад оны сүүлээс Солонгос ихээхэн дэлгэрч эхэлсэн бөгөөд  "The Korea Times" сонинд гарснаар өнөөдөр Солонгосын нийт эмэгтэй оюутнуудын 40 хувь нь зуны амралтаараа ямар нэгэн хэмжээгээр гоо сайхны хагалгаа хийлгэсэн гэсэн судалгаа байдаг гэнэ. Сүүлийн 10 жилийн хугацаанд гоо сайхны мэс заслын хэмжээ 457 хувиар өссөн юм байна. Түүнчлэн залуучуудынх нь гоо сайхны хагалгаа хийлгэсэн тоо энэ жил өмнөхөөс 17 хувиар өссөн гэсэн дүн байна.

Нүдэндээ давхраа хийлгэх нь Солонгосчуудын хувьд хамгийн түгээмэл мэс засалд ордог бөгөөд орчин үед энэ нь бол үнэндээ шүд авхуулахтай л адил зүйл болжээ. Үнэ ханшийн хувьд давхраа хийлгэхэд 2-3 сая, өөхөө соруулахад 4-5 сая орчим за тэгээд мөнгө нь байвал бол 5-8 см хүртэл хэмжээгээр өсөх ч болох боломж хүртэл байдаг юм байна. Ер нь тэгээд Солонгос царай муутай бол ажилд ороход нилээд хэцүү байдаг бололтой. Энд энэ чиглэлээр сурдаг миний нэг найз байдаг бөгөөд хэлэхээр лав  солонгос эмэгтэйчүүд унаж тусаад байдаг юм байна лээ. Тэхээр гоо сайхны мэс засал нь үнэхээр их эрэлт хэрэгцээтэй энэ төрлийн мэргэжил  ихээхэн нэр хүндтэй юм байна гэж би бодсон.

Хэдийгээр гоо сайхны мэс засал нь хүнийг өөрчлөн өөртөө итгэх итгэлийг нь нэмж, шинэ боломж, бололцоог нээж өгч чадах хэдий ч нөгөө талаараа ихээхэн эрсдэл дагуулдаг байхыг үгүйсгэх аргагүй юм. Тэгээд ч энэ нь эрс тэс уур амьсгалтай манай  нөхцөлд  тохирох тийм ч  таатай зүйл гэдэгт би эргэлздэг. Гэхдээ юм  хөгжихийн хэрээр бас хөөрхөн болоод авахад буруудах юм юу байхав. Гагцхүү хувь хүний сонголт л мэдэх хэрэг байх.